തിരുവനന്തപുരം: സാമ്പത്തികമായി പിന്നോക്കം നിൽക്കുന്ന മിടുക്കരായ നഴ്സിംഗ് വിദ്യാർത്ഥികൾക്ക് പഠനത്തിൽ കരുത്തേകുന്ന മഹത്തായ പദ്ധതിക്ക് വേൾഡ് മലയാളി കൗൺസിൽ (WMC) തിരുവനന്തപുരത്ത് തുടക്കം കുറിച്ചു. ഒരു കോടി രൂപയുടെ ഗ്ലോബൽ നഴ്സിംഗ് സ്കോളർഷിപ്പ് പദ്ധതിയുടെ ആദ്യഘട്ടമായി സംസ്ഥാനത്തിന്റെ വിവിധ ഭാഗങ്ങളിൽ നിന്ന് തെരഞ്ഞെടുത്ത 25 നഴ്സിംഗ് വിദ്യാർത്ഥികൾക്ക് ഓരോ ലക്ഷം രൂപ വീതം സ്കോളർഷിപ്പ് വിതരണം ചെയ്തു.

തിരുവനന്തപുരം മാസ്കോട്ട് ഹോട്ടലിൽ നടന്ന ചടങ്ങ് സംഘാടന മികവിലും സാമൂഹിക പ്രതിബദ്ധതയിലും ശ്രദ്ധേയമായി. മുൻ ഫൊക്കാന പ്രസിഡന്റും നിലവിൽ വേൾഡ് മലയാളി കൗൺസിൽ ഗ്ലോബൽ പ്രസിഡന്റുമായ ഡോ. ബാബു സ്റ്റീഫൻ ആണ് പദ്ധതിക്ക് രൂപം നൽകുകയും സ്കോളർഷിപ്പ് വിതരണം നടത്തുകയും ചെയ്തത്.

ചടങ്ങ് മൃഗസംരക്ഷണ–ഡയറി വികസന വകുപ്പ് മന്ത്രി ജെ. ചിഞ്ചുറാണി ഉദ്ഘാടനം ചെയ്തു. രാജ്യസഭാംഗം ജോൺ ബ്രിട്ടാസ് മുഖ്യപ്രഭാഷണം നടത്തി.
എം.എൽ.എമാരായ കടകംപള്ളി സുരേന്ദ്രൻ, വി. കെ. പ്രശാന്ത്, പി. ഉബൈദുള്ള, എം. മുകേഷ് എന്നിവർ ആശംസകൾ നേർന്നു.

നോർക്ക സി.ഇ.ഒ അജിത് കൊളാശ്ശേരി, ഡോ. എം. വി. പിള്ള, വേൾഡ് മലയാളി കൗൺസിൽ ഗ്ലോബൽ ചെയർമാൻ തോമസ് മൊട്ടക്കൽ, ഗ്ലോബൽ ജനറൽ സെക്രട്ടറി ഷാജി മാത്യു, വൈസ് പ്രസിഡന്റ് ജെയിംസ് കൂടൽ,ട്രഷറർ സണ്ണി സി. വെളിയത്ത്,,സെക്രട്ടറി വിജയചന്ദ്രൻ, വൈസ് പ്രസിഡന്റ് (ഇന്ത്യ റീജൺ) തങ്കമണി ദിവാകരൻ ടി. പി. വിജയൻ, പദ്മകുമാർ എന്നിവർ ചടങ്ങിൽ സന്നിഹിതരായിരുന്നു.
ഈ പദ്ധതിയിലൂടെ ആകെ 100 നഴ്സിംഗ് വിദ്യാർത്ഥികൾക്ക് ഒരു ലക്ഷം രൂപ വീതം സ്കോളർഷിപ്പ് നൽകുമെന്ന് സംഘടന നേതൃത്വം അറിയിച്ചു. സാമ്പത്തികമായി പിന്നോക്കം നിൽക്കുന്ന മിടുക്കരായ വിദ്യാർത്ഥികൾക്ക് നഴ്സിംഗ് പഠനത്തിൽ കരുത്താകുകയാണ് പദ്ധതിയുടെ ലക്ഷ്യം.
ലോകമെമ്പാടുമുള്ള മലയാളികളുടെ ഐക്യത്തിന്റെയും സാമൂഹിക ഉത്തരവാദിത്തത്തിന്റെയും ശക്തമായ സന്ദേശമായാണ് ഗ്ലോബൽ നഴ്സിംഗ് സ്കോളർഷിപ്പ് പദ്ധതി വിലയിരുത്തപ്പെടുന്നതെന്ന് ഗ്ലോബൽ അഡ്മിന് വൈസ് പ്രസിഡന്റ് ജെയിംസ് കൂടൽ പറഞ്ഞു 

റവ. ഡോ. സുബിൻ ജോൺ (വികാരി), സാന്റോ അലക്സാണ്ടർ (കൺവീനർ), റോഷൻ ഐസക് (സെക്രട്ടറി), ആശിഷ് ജോർജ് വർഗീസ്, ജിബ്സൺ മാത്യു ജേക്കബ്, ഷിജ കെ. മാത്യു, അലൻ തോമസ് എന്നിവർ നേതൃത്വം നൽകിയ സംഘാടക സമിതി മത്സരത്തിന്റെ വിജയകരമായ നടത്തിപ്പിന് പിന്നിൽ പ്രവർത്തിച്ചു.

പരിമിതിക്കുള്ളിൽ നിന്ന് തങ്ങളുടേതായ കഴിവുകൾക്ക് പ്രചോദനമാകുകയും ആത്മീയ സന്ദേശങ്ങൾ സമൂഹത്തിലേക്ക് കൈമാറുകയും ചെയ്ത വേദിയായി ഈ മത്സരം വിലയിരുത്തപ്പെട്ടു. മത്സരത്തിൽ പങ്കെടുത്ത എല്ലാ ടീമുകളെയും ജൂറിയും സംഘാടക സമിതിയും അഭിനന്ദിച്ചു. കാനഡയിൽ നിന്നും അമേരിക്കയിൽ നിന്നുമായി 165 ൽ പരം ഫാമിലികൾ മീറ്റിംഗിൽ പങ്കെടുത്തു.