വിർജീനിയ:അമേരിക്കയിൽ തോക്ക് ഉപയോഗിച്ചുള്ള അക്രമങ്ങൾ വർധിക്കുന്നതിൽ പ്രതിഷേധിച്ച് വിർജീനിയയിലെ നൂറുകണക്കിന് വിദ്യാർഥികൾ ക്ലാസ് മുറികളിൽ നിന്ന് ഇറങ്ങിപ്പോയി. സ്കൂളുകളിലെ തോക്ക് അക്രമങ്ങൾക്ക് എതിരെ രാജ്യവ്യാപകമായി നടക്കുന്ന ഈ പ്രതിഷേധത്തിൽ വിദ്യാർഥികൾ അണിചേർന്നു.

ഹെൻറിക്കോ കൗണ്ടിയിലെ ഹെർമിറ്റേജ് ഹൈസ്‌കൂളിൽ നിന്ന് 1,000-ത്തിലധികം വിദ്യാർത്ഥികളാണ് വാക്ക്ഔട്ട് നടത്തിയത്. അമേരിക്കയിലെ സ്കൂൾ വെടിവെപ്പുകളുടെ വ്യാപകമായ സാഹചര്യത്തിലേക്ക് ശ്രദ്ധ ക്ഷണിക്കുന്നതിനാണ് വിദ്യാർത്ഥികൾ ഈ പ്രതിഷേധം നടത്തിയത്. സുരക്ഷാ നയങ്ങൾ ശക്തമാക്കണമെന്ന് ആവശ്യപ്പെട്ട് സ്റ്റേഡിയത്തിൽ ഒത്തുകൂടിയ വിദ്യാർഥികൾ മുദ്രാവാക്യം വിളിച്ചു. പ്രതിഷേധത്തിന് ശേഷം വിദ്യാർഥികൾ ക്ലാസുകളിലേക്ക് മടങ്ങി.