വാഷിംഗ്‌ടൺ ഡി സി :പ്രസിഡന്റ് ട്രംപിൻ്റെ ഉത്തരവ് പ്രകാരം ടിക് ടോക്കിന്റെ യു.എസ്. പ്രവർത്തനങ്ങൾ 14 ബില്യൺ ഡോളറിന് അമേരിക്കൻ, ആഗോള നിക്ഷേപകർക്ക് വിൽക്കാൻ തയ്യാറെടുക്കുന്നു. ദേശീയ സുരക്ഷാ പ്രശ്നങ്ങൾ പരിഹരിക്കുന്നതിൻ്റെ ഭാഗമായാണ് ഈ നടപടി. ചൈനീസ് പ്രസിഡന്റ് ഷി ജിൻപിങ്ങുമായി സംസാരിച്ചെന്നും അദ്ദേഹം ഇടപാടിന് അനുമതി നൽകിയെന്നും ട്രംപ് അറിയിച്ചു. മൈക്കൽ ഡെൽ, റൂപെർട്ട് മർഡോക്ക് എന്നിവരുൾപ്പെടെ ലോകോത്തര നിക്ഷേപകർ ഈ ഇടപാടിൻ്റെ ഭാഗമാവുമെന്ന് ട്രംപ് വ്യക്തമാക്കി.

ടിക് ടോക്കിന്റെ ഉടമസ്ഥതയിലുള്ള ചൈനീസ് കമ്പനിയായ ബൈറ്റ്ഡാൻസ്, നിലവിൽ 330 ബില്യൺ ഡോളറിന് മുകളിൽ മൂല്യമുള്ള സ്ഥാപനമാണ്. ടിക് ടോക്കിൻ്റെ ഏറ്റവും പ്രധാനപ്പെട്ട ആസ്തിയായ അൽഗോരിതം പുതിയ യു.എസ്. കമ്പനിയുടെ നിയന്ത്രണത്തിലായിരിക്കും.