കോട്ടയം: സിദ്ധാര്ത്ഥ് പ്രഭു ഓടിച്ച വാഹനമിടിച്ച് പരിക്കേറ്റ് ചികിത്സയിലിരുന്ന ലോട്ടറി വില്പ്പനക്കാരൻ മരിച്ചു. നാട്ടകം സ്വദേശി തങ്കരാജ് (53) ആണ് മരിച്ചത്. അമിത വേഗതയിലെത്തിയ സിദ്ധാർത്ഥിന്റെ വാഹനമിടിച്ചാണ് തങ്കരാജിന് പരിക്കേറ്റത്. സംഭവത്തിൽ ചിങ്ങവനം പൊലീസ് സിദ്ധാർത്ഥിനെ അറസ്റ്റ് ചെയ്ത് വിട്ടയച്ചിരുന്നു.
ഡിസംബർ 24-ന് രാത്രി എംസി റോഡില് നാട്ടകം ഗവണ്മെന്റ് കോളേജിന് സമീപമാണ് അപകടമുണ്ടായത്. അപകടത്തിന് പിന്നാലെ ചോദ്യം ചെയ്ത നാട്ടുകാരെയും തടയാന് എത്തിയ പൊലീസിനെയും സിദ്ധാര്ത്ഥ് ആക്രമിച്ചിരുന്നു. ഒടുവില് ബലം പ്രയോഗിച്ചാണ് ഇയാളെ പൊലീസ് കസ്റ്റഡിയിലെടുത്തത്.
