കണ്ണൂർ എഡിഎമ്മായിരിക്കെ മരിച്ച നിലയിൽ കാണപ്പെട്ട നവീന് ബാബുവിന്റെ മകള് നിരഞ്ജന നായര്ക്ക് മുഖ്യമന്ത്രി വി.ഡി.സതീശന് നിയമന ഉത്തരവ് കൈമാറി. മുഖ്യമന്ത്രിയുടെ ഓഫിസില് എത്തിയാണ് നിരഞ്ജന ഉത്തരവ് കൈപ്പറ്റിയത്. നിരഞ്ജനയ്ക്ക് സമാശ്വാസ തൊഴില്ദാന പദ്ധതി പ്രകാരം ഭക്ഷ്യസുരക്ഷാ വകുപ്പില് ഭക്ഷ്യസുരക്ഷാ ഓഫിസര് ആയാണ് നിയമനം.
നവീന് ബാബുവിന്റെ ഭാര്യ ഡി.മഞ്ജുഷ, ആരോഗ്യമന്ത്രി കെ.മുരളീധരന്, പഴകുളം മധു എംഎല്എ എന്നിവരും സന്നിഹിതരായിരുന്നു.2024 ഒക്ടോബര് 15നാണ് കണ്ണൂര് പള്ളിക്കുന്നിലെ ക്വാര്ട്ടേഴ്സില് നവീന് ബാബുവിനെ മരിച്ചനിലയില് കണ്ടെത്തിയത്. കലക്ടറേറ്റില് നടന്ന യാത്രയയപ്പ് ചടങ്ങില് സിപിഎം നേതാവും അന്നത്തെ ജില്ലാ പഞ്ചായത്ത് പ്രസിഡന്റുമായ പി.പി. ദിവ്യ അദ്ദേഹത്തെ പരസ്യമായി അധിക്ഷേപിച്ചതിന് പിന്നാലെയായിരുന്നു മരണം. നവീന് ബാബുവിന്റെ മരണത്തില് അന്വേഷണം സര്ക്കാര് സിബിഐക്ക് വിട്ടിരുന്നു. പി.പി.ദിവ്യയാണ് കേസിൽ പ്രതി.
ബന്ധപ്പെട്ട വാർത്തകൾ
