കോട്ടയം: മാർ ക്രിസോസ്റ്റത്തിൻ്റെ ദർശനങ്ങൾ കാലാതീതമെന്ന് ചലച്ചിത്ര സംവിധായകൻ പത്മവിഭൂഷൺ അടൂർ ഗോപാലകൃഷ്ണൻ അഭിപ്രായപ്പെട്ടു. തിരുവല്ല വൈ എം സി ഐ ഫൊക്കാന കുമരകം ഗോകുലം ഗ്രാൻഡ് റിസോട്ടിൽ നടത്തിയ കേരളാ കൺവൻഷനിൽ നടത്തിയ മാർ ക്രിസോസ്റ്റം ചിത്ര പ്രദർശനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. യോഗത്തിൽ അഡ്വ. വർഗീസ് മാമ്മൻ അദ്ധ്യക്ഷത വഹിച്ചു . ഫൊക്കാന പ്രസിഡൻ്റ് സജിമോൻ ആൻ്റണി , ജോർജി വർഗീസ് , ഡോ. മാമൻ സി ജേക്കബ് , ജോയി ജോൺ എന്നിവർ പ്രസംഗിച്ചു.
ഫൊക്കാന കൺവൻഷനിൽ മാർ ക്രിസോസ്റ്റം ചിത്രദർശനം അടൂർ ഗോപാല കൃഷ്ണൻ ഉദ്ഘാടനം ചെയ്യുന്നു. ജോയി ജോൺ, മലയാള മനോരമ എഡിറ്റോറിയൽ ഡയറക്ടർ ജോസ് പനച്ചിപ്പുറം ,ജോർജി വർഗീസ് ,ദിനേശ് പണിക്കർ , വർഗീസ് മാമൻ തുടങ്ങിയവർ സമീപം
