മലയാളി അസോസിയേഷൻ ഓഫ് നോർത്തേൺ കാലിഫോർണിയ (മങ്ക )
പ്രസിഡന്റ് സുനിൽ വർഗ്ഗീസ് ന്റെയും മങ്ക ടീമിന്റെയും നേതൃത്വത്തിൽ നടന്ന അതി മനോഹരമായ ഓണാഘോഷച്ചടങ്ങിൽ രണ്ടു പേർക്ക് എക്സലൻസ് അവാർഡ് നൽകി ആദരിച്ചു . മങ്ക യ്ക്ക് അവർ നൽകിയ നിസ്തുല സേവനം പരിഗണിച്ചാണ് ഈ അവാർഡ്കൾ നൽകിയത്. ഷൈജു വർഗ്ഗീസ് ( റിയൽറ്റർ ) സിനോയ്സ് കിച്ചൺ ഇവരാണ് ഈ വീശിഷ്ട അംഗീകാരത്തിന് അർഹരായത്.
സർവീസ് എക്സല്ലൻസ് അവാർഡ് നൽകിയാണ് സിനോയ് സ് കിച്ചൺനെ ആദരിച്ചത്. മങ്ക യുടെ വിവിധ സാമൂഹ്യ സാംസ്കാരിക പ്രവർത്തന വേളകളിൽ രുചികരമായ പരമ്പരാഗത നാടൻ ഭക്ഷണം തയ്യാറാക്കി യിരുന്നത് സിനോയ്സ് കിച്ചൺ ആയിരുന്നു . അർപ്പണ ബോധത്തോടെ ഗുണമേന്മയുള്ള വിഭവങ്ങൾ തയ്യാറാക്കി മങ്കയ്ക്ക് നൽകിയ എല്ലാ സഹകരണത്തെയും കണക്കിലെടുത്താണ് സിനോയ് സ് കിച്ചൺ നു ഈ അവാർഡ് നൽകിയത് .
ഓണം ഗ്രാൻഡ് സ്പോൺസർ ഷൈജു വർഗ്ഗീസ് ( റിയൽറ്റർ , റിയാലിറ്റി എക്സ്പ്രസ്സ് ) നു ബിസിനസ്സ് എക്സലൻസ് അവാർഡ് നൽകി ആദരിച്ചു.
റിയൽ എസ്റ്റേറ്റ് രംഗത്തുള്ള ഷൈജു വിന്റെ പ്രവർത്തങ്ങളും ഒപ്പം മങ്കയോടുള്ള സഹകരണവും കരുതലും പരിഗണിച്ചാണ് ഈ അവാർഡ് സമ്മാനിച്ചത്. ഇക്കഴിഞ്ഞ രണ്ടു വർഷങ്ങളിലും ഓണാഘോഷങ്ങളുടെ ഗ്രാൻഡ് സ്പോൺസർ ഷൈജു വർഗ്ഗീസ് ആയിരുന്നു. ഷൈജു വിന്റെ നേതൃത്വ പാടവവും, സേവന സന്നദ്ധത യും സാമൂഹ്യ പ്രതിബദ്ധതും ഏവർക്കും മാതൃക യാണ് .
പ്രസിഡന്റ് സുനിൽ വർഗ്ഗീസും മങ്ക ടീമും അവാർഡ് ജേതാക്കളെ പ്രത്യേകം അഭിനന്ദിച്ചു. അതോടൊപ്പം മങ്ക യ്ക്ക് ഇവർ നൽകിയ വിലമതിക്കാനാവാത്ത സേവനത്തിനു ഹൃദയപൂർവ്വം നന്ദി പറഞ്ഞു.
