കോട്ടയം: അമേരിക്കൻ മലയാളികളുടെ സംഘടനകളുടെ സംഘടനയായ ഫൊക്കാനയുടെ കേരളാ കൺവൻഷനോടനുബന്ധിച്ച് ആഗസ്റ്റ് 2 ന് രാവിലെ 9:30 മുതൽ ഇന്ത്യയിലെ പ്രശസ്തരായ ആറ് കാർട്ടൂണിസ്റ്റുകളുടെ ലൈവ് കാരിക്കേച്ചർ ഉണ്ടായിരിക്കുമെന്ന് ഫൊക്കാന പ്രസിഡൻ്റ് സജിമോൻ ആൻ്റണി അറിയിച്ചു. കേരളാ കാർട്ടൂൺ അക്കാദമി അംഗങ്ങളാണ് പങ്കെടുക്കുന്ന ചിത്രകാരന്മാർ എല്ലാവരും. പ്രശസ്ത കാർട്ടൂണിസ്റ്റുകളായ അനൂപ് രാധാകൃഷ്ണൻ , മധൂസ് , വിനു . എസ്, ഗിരീഷ് , ജയരാജ് , രതീഷ് രവി എന്നിവരാണ് ഫൊക്കാന കൺവെൻഷനിൽ എത്തുന്നവരുടെ ചിത്രങ്ങൾ കാരിക്കേച്ചറുകൾ ആക്കുന്നത്. ഫൊക്കാനയുടെ കൺവൻഷനിൽ ആദ്യമായാണ് ഇത്തരമൊരു പ്രോഗ്രാം സംഘടിപ്പിക്കുന്നതെന്ന് ഫൊക്കാന ജനറൽ സെക്രട്ടറി ശ്രീകുമാർ ഉണ്ണിത്താൻ അറിയിച്ചു. കൺവൻഷനിൽ പങ്കെടുക്കുന്ന ഫൊക്കാന അംഗങ്ങളും മറ്റ് പ്രതിനിധികളും ഈ പരിപാടിയിൽ പങ്കാളികളാകണമെന്ന് ഫൊക്കാന ട്രഷറർ ജോയി ചാക്കപ്പൻ അറിയിച്ചു. വളരെ വ്യത്യസ്തതയാർന്ന പരിപാടിയും കൗതുകം നിലനിർത്തുന്ന പരിപാടിയായി ലൈവ് കാരിക്കേച്ചർ  എന്നും ഈ അവസരം എല്ലാ ഫൊക്കാന പ്രവർത്തകരും ഉപയോഗിക്കണമെന്ന് കൺവൻഷൻ ചെയർമാൻ ജോയി ഇട്ടനും അറിയിച്ചു