ലിറ്റററി അസോസ്സിയേഷൻ ഓഫ് നോർത്ത് അമേരിക്ക (ലാന) - യുടെ ആജീവനാന്ത അംഗവും ഡാളസ്സിലെ സാമൂഹ്യ-സാംസ്കാരിക രംഗങ്ങളിൽ സജീവ  സാന്നിദ്ധ്യവുമായിരുന്ന ശ്രീ അജയകുമാറിന്റെ നിര്യാണത്തിൽ ലാന ഭരണസമിതി അഗാധ ദു:ഖവും അനുശോചനവും രേഖപ്പെടുത്തി. കേരള ലിറ്റററി സൊസൈറ്റി (KLS, Dallas, Texas)  പ്രവർത്തകനായിരുന്നു.നിരവധി  മറ്റിതര സംഘടനകളുടെ നേതൃത്വപദവി അദ്ദേഹം അലങ്കരിച്ചിട്ടുണ്ട്.

ലാനയുടെ പ്രവർത്തനങ്ങളിലും പരിപാടികളിലും സജീവമായി പങ്കെടുക്കുകയും പ്രത്യേകിച്ച് 2019 ഡാളസ്സിൽ നടന്ന ലാന കൺവെൻഷൻ ക്രമീകരണങ്ങളിൽ സഹായസഹകരണങ്ങൾ നൽകിയതും ഈ സമയം നന്ദിയോടെ സ്മരിക്കുന്നു.

ചെറുപ്പത്തിൽ തന്നെ കലാ സാംസ്‌കാരിക രാഷ്രീയ രംഗത്തു നിറഞ്ഞു ശോഭിച്ച വ്യക്തിയായിരുന്നു. കേരളത്തിൽ തലവടി പഞ്ചായത്തു ജനപ്രതിനിധി ആയി സേവനം അനുഷ്ഠിക്കവെ, ഗൾഫിൽ ഉദ്യോഗാർത്ഥം പോകേണ്ടി വന്നു. തുടന്ന് 2002 -ൽ അമേരിക്കയിലേക്ക് കുടിയേറുകയും ചെയ്തു.