സാൻ ഹൊസെ , കാലിഫോർണിയ :  സാൻ  ഹൊസെ  സെന്‍റ് മേരീസ് ക്നാനായ കത്തോലിക്ക ഫൊറോന പള്ളിയിൽ  ചെറുപുഷ്പ മിഷൻ ലീഗിന്‍റെ  (CML ) ആഭിമുഖ്യത്തിൽ 4 മുതൽ 8 ക്ലാസുകൾ കുട്ടികൾക്കായി ഫീൽഡ് ട്രിപ്പ് നടത്തപ്പെട്ടു . 

 കാലിഫോർണിയയിലെ തീരദേശ  പ്രദേശമായ കാർമൽ ബെ ദി സീ  എന്ന സ്ഥലത്തു സ്ഥിതി ചെയ്യുന്ന കാർമൽ മിഷൻ ബസിലിക്കയിലേക്കായിരുന്നു ആദ്യ യാത്ര . കാലിഫോർണിയയുടെ വിശുദ്ധനും ആദ്യകാല ഫ്രാൻസിസ്കൻ മിഷനറിയും , അമേരിക്കയിലെ 11 കത്തോലിക്ക വിശുദ്ധന്മാരിൽ ഒരുവനുമായ സെന്‍റ് ജൂനിപെറോ 1771 ൽ സ്ഥാപിച്ചതാണ്‌ ഈ ബസലിക്ക .വിശുദ്ധ ജൂനിപെറോയുടെ ഭൗതിക ശരീരം ഈ ബസലിക്കയുടെ അകത്താണ് അടക്കം ചെയ്തിരിക്കുന്നത് . വിശുദ്ധന്‍റെ കാലത്തു അദ്ദേഹം ഉപയോഗിച്ച മുറിയും , മറ്റു  ചരിത്രാധീത വസ്തുക്കളും , ചിത്രങ്ങളും ഇവിടെ ഭംഗിയായി സൂക്ഷിക്കപ്പെട്ടിരിക്കുന്നു .ഈ കാഴ്ചകൾ കുട്ടികളിൽ കൗതുകം ജനിപ്പിക്കുന്നതിനോടൊപ്പം , ആത്മീയമായ ഉണർവും ,1700 കളിലെ കാലിഫോർണിയയെ മനസിലാക്കുന്നതിനും സഹായകമായി . 
 പിന്നീട് പസഫിക് സമുദ്രത്തിനു അഭിമുഖമായി സ്ഥിതി ചെയ്യുന്ന കാർമൈലൈറ്റ്‌ മൊണാസ്റ്ററി ഓഫ് ഔവർ ലേഡി ആൻഡ് സെന്‍റ്  തെരേസ് എന്ന കോൺവെൻറ്റിലേക്കായിരുന്നു അടുത്ത യാത്ര . അവിടെ കാർമേലൈറ്റ് മഠത്തിന്‍റെ ചരിത്രത്തെക്കുറിച്ചും, അവിടുത്തെ ആചാരങ്ങൾ , പ്രാർത്ഥന രീതികൾ ,വൊക്കേഷൻ സ്റ്റോറി എന്നിവയെക്കുറിച്ചും മദർ ജനറൽ സിസ്റ്റർ തെരേസിറ്റയും അതോടൊപ്പം മറ്റു സിസ്റ്റേഴ്സും കൂടി കുട്ടികളുമായി പങ്കുവച്ചു . ആത്മീയ ജീവിതത്തിൽ ആഴത്തിൽ വേരൂന്നിയ സന്യാസിനിമാരുടെ ജീവിത ശൈലിയെ കുറിച്ച് അറിയാൻ കഴിഞ്ഞതിൽ കുട്ടികൾ ഒത്തിരി നന്ദിയും , സന്തോഷവും അറിയിച്ചു.

ഈ ഫീൽഡ് ട്രിപ്പിന്‍റെ വിജയം ഉറപ്പാക്കിയ ചിന്തനീയമായ നേതൃത്വവും , ആസൂത്രണവും വഹിച്ചത് ഇടവക വികാരിയും മിഷൻ ലീഗ് ഡയറക്ടറും ആയ ഫാ . ജെമി പുതുശ്ശേരിലും , വൈസ് ഡയറക്ടർ അനു വേലിക്കെട്ടേലും അതോടൊപ്പം ജോയിന്‍റ്  ഓർഗനൈസേഴ്സ് ആയ റോബിൻ ഇലഞ്ഞിക്കൽ ,ശീതൾ മരവെട്ടിക്കൂട്ടത്തിൽ , സംഘടനയുടെ എക്സിക്യൂട്ടീവ്മാരായ നേഥൻ പാലക്കാട്ട് , തെരേസ വട്ടമറ്റത്തിൽ , നിഖിത പൂഴിക്കുന്നേൽ , ജോഷ്വാ തുരുത്തേൽകളത്തിൽ എന്നീവരായിരുന്നു . ഇവരോടൊപ്പം വേദപാഠ അധ്യാപകരും , ഏതാനും കുട്ടികളുടെ മാതാപിതാകളും വോളന്‍റെയർസ്‌  അയി പങ്കെടുത്തു .