ഡാളസ്: സി.എസ്.ഐ കോൺഗ്രിഗേഷൻ ഓഫ് ഡാളസിന്റെ 2026-ലെ വാർഷിക സഭാ കൺവെൻഷൻ ഓഗസ്റ്റ് 21, 22, 23 തീയതികളിൽ നടക്കും. സഭാ വികാരിയും ആത്മീയ പ്രഭാഷകനുമായ റവ. ബിജു ഈപ്പൻ കൺവെൻഷൻ സന്ദേശങ്ങൾ നൽകും.

“Divine Guidance” (ദൈവിക മാർഗനിർദേശം) എന്നതാണ് ഈ വർഷത്തെ കൺവെൻഷന്റെ മുഖ്യവിഷയം. സങ്കീർത്തനം 27:14 ആണ് ആധാരവാക്യം.

ഓഗസ്റ്റ് 21, 22 തീയതികളിൽ വൈകിട്ട് 7 മണിക്ക് യോഗങ്ങൾ ആരംഭിക്കും. ഓഗസ്റ്റ് 23 ഞായറാഴ്ച രാവിലെ 9:30-ന് നടക്കുന്ന ആരാധനയോടെയാണ് മൂന്ന് ദിവസത്തെ കൺവെൻഷൻ സമാപിക്കുക.

വിശ്വാസജീവിതത്തിൽ ദൈവിക മാർഗനിർദേശത്തിന്റെ പ്രാധാന്യം ഉയർത്തിക്കാട്ടുന്ന ശക്തമായ ആത്മീയ സന്ദേശങ്ങളും പ്രാർത്ഥനയും ആരാധനയും കൺവെൻഷന്റെ ഭാഗമായി നടക്കും.

സി.എസ്.ഐ കോൺഗ്രിഗേഷൻ ഓഫ് ഡാളസ്,
2422 N Glenbrook Dr, Garland, TX 75040 എന്ന വിലാസത്തിലാണ് കൺവെൻഷൻ നടക്കുന്നത്.

ഡാളസ്–ഫോർട്ട് വർത്ത് മേഖലയിലെ വിശ്വാസികളെയും സുഹൃത്തുക്കളെയും കുടുംബാംഗങ്ങളെയും കൺവെൻഷനിലേക്ക് സഭാ നേതൃത്വം സ്നേഹപൂർവം ക്ഷണിക്കുന്നു.