ഡാളസ്: യേശുക്രിസ്തുവിന്റെ രാജകീയമായ ജറൂസലേം പ്രവേശനം, പീഢാനുഭവം, കുരിശുമരണം, ഉയര്‍ത്തെഴുന്നേല്പ് എന്നിവ അനുസ്മരിക്കുന്ന വിശുദ്ധ വാരത്തിലേക്കു ലോകമെമ്പാടുമുള്ള ക്രൈസ്തവരോടൊപ്പം ഡാളസ് ക്രിസ്തുരാജ ക്നാനായ കത്തോലിക്ക ഇടവക ഒരുങ്ങി.. വിശുദ്ധ വാരത്തിലെ തിരുക്കര്‍മ്മങ്ങള്‍ താഴെപ്പറയുന്ന ക്രമത്തില്‍ നടക്കുന്നതാണ്.

ഓശാന ഞായറാഴ്ചയായ മാര്‍ച്ച് 29-നു ഓശാനയുടെ തിരുക്കര്‍മ്മങ്ങള്‍ രാവിലെ 9.30 ന് കുരുത്തോല വെഞ്ചരിപ്പും പ്രദക്ഷിണവും വി.കുർബാനയും നടത്തപ്പെടുന്നു.ഏപ്രില്‍ 2, പെസഹാവ്യാഴാഴ്ച, വൈകുന്നേരം 7 ന് കാല്‍ കഴുകല്‍ ശുശ്രൂഷയും ആഘോഷമായ വി. കുര്‍ബാനയും ഉണ്ടായിരിയ്ക്കും. ഏപ്രില്‍ 3, ദുഃഖവെള്ളിയാഴ്ച രാവിലെ 10 മണിക്ക് മലയാളത്തിലും  വൈകിട്ട് 7 മണിക്ക് ഇംഗ്ലീഷിലും ദുഖവെള്ളിയുടെ തിരുക്കര്‍മ്മങ്ങളും കുരിശിന്റെ വഴിയും നടക്കും. കഞ്ഞിനേര്‍ച്ചയും ഉണ്ടായിരിക്കും.

ഏപ്രില്‍ 4, ശനിയാഴ്ച 9 ന് രാവിലെ ദുഃഖശനിയുടെ തിരുക്കര്‍മ്മങ്ങള്‍ നടക്കും. ഈസ്റ്ററിന്റെ തിരുക്കര്‍മ്മങ്ങള്‍, ശനിയാഴ്ച വൈകുന്നേരം  7 മണിക്ക് മലയാളത്തിലും ഇംഗ്ലീഷിലും നടക്കുന്നതാണ്. ഈസ്റ്റര്‍ ദിവസമായ, ഏപ്രില്‍ 5 ഞായറാഴ്ച രാവിലെ ഒമ്പത് മണിക്കാണ് വിശുദ്ധ കുര്‍ബാന. വിശുദ്ധ വാരത്തോടനുബന്ധിച്ച് കുമ്പസാരത്തിനുള്ള അവസരം വി. വാര ദിവസങ്ങളിൽ ഉണ്ടായിരിക്കുന്നതാണ്.

എല്ലാ ദിവസത്തെയും തിരുക്കര്‍മ്മങ്ങള്‍ക്ക് വികാരി ഫാ. ബിൻസ് ചേത്തലിൽ, ഫാ. സന്തോഷ് അധികാരത്തിൽ എന്നിവര്‍ മുഖ്യ കാര്‍മ്മി കത്വം വഹിക്കും.