സാൻ ഹോസെ , കാലിഫോർണിയ : ജിമ്മി ജോർജ്ജ് മെമ്മോറിയൽ ട്രോഫി യും ലൂക്കാച്ചൻ മെമ്മോറിയൽ ട്രോഫി യും ഈ വർഷം കാലിഫോർണിയ ബ്ലാസ്റ്റേഴ്സ് സ്വന്തമാക്കി ദേശീയ ചാമ്പ്യന്മാരായി . പത്ത് വർഷങ്ങൾ പൂർത്തിയാക്കുന്ന കാലിഫോർണിയ ബ്ലാസ്റ്റേഴ്സ് നു ഇത് അഭിമാന നിമിഷം . വ്യക്തിഗത ബഹുമതികളായ എം വി പി , , ബെസ് റ്റ് സെറ്റെർ , ബെസ് റ്റ് ഒഫൻസീവ് പ്ലയെർ , ബെസ് റ്റ് ഡിഫൻസീവ് പ്ലയെർ എന്നിവയും ബ്ലാസ്റ്റേഴ്സ് അംഗങ്ങൾക്ക് ലഭിച്ചു
ക്ലബ്ബിന്റെ പത്ത് വർഷത്തെ പ്രയാണത്തെക്കുറിച്ച് പ്രസിഡന്റ് ആന്റണി ഇല്ലിക്കാട്ടിൽ തന്റെ വികാര നിർഭരമായ പ്രസംഗത്തിൽ വിവരിച്ചു . വോളിബോളിലൂടെ യുവതലമുറയെ വളർത്തിയെടുക്കുക എന്ന ലളിതമായ ലക്ഷ്യത്തോടെയാണ് ഈ സംഘടന ആരംഭിച്ചതെന്ന് ഇല്ലിക്കാട്ടിൽ പറഞ്ഞു. ഒരു സാധാരണ സ്വപ്നത്തിൽ നിന്നും തുടങ്ങി, യുവപ്രതിഭകളെ വളർത്തിയെടുക്കുന്ന മുൻനിര ക്ലബ്ബായും കമ്മ്യൂണിറ്റിയുടെ അഭിമാനമായും മാറിയ ക്ലബ്ബിന്റെ വളർച്ചയെ അദ്ദേഹം പ്രസംഗത്തിൽ അനുസ്മരിച്ചു. കഴിഞ്ഞ ഒരു പതിറ്റാണ്ടിനിടയിൽ കൊച്ചുകുട്ടികൾ മുതൽ കോളേജ് കളിക്കാർക്കും മുതിർന്നവർക്കും വരെ തങ്ങളുടെ കഴിവുകൾ വികസിപ്പിക്കാൻ ക്ലബ്ബ് മികച്ച അവസരങ്ങൾ നൽകി. ക്ലബ്ബിന്റെ പത്ത് വർഷത്തെ അഭൂതപൂർവ്വമായ വളർച്ചയെയും ഈ വർഷത്തെ മികച്ച കായിക നേട്ടങ്ങളെയും അഭിനന്ദിച്ചു .
ഈ ചരിത്രപരമായ വിജയങ്ങൾ സാധ്യമാക്കാൻ ഒപ്പം നിന്ന കളിക്കാർക്കും പരിശീലകർക്കും രക്ഷിതാക്കൾക്കും ഇല്ലിക്കാട്ടിൽ ഹൃദയം നിറഞ്ഞ അഭിനന്ദനങ്ങൾ അറിയിച്ചു. ഇവ കാലിഫോർണിയ ബ്ലാസ്റ്റേഴ്സിന്റെ മാത്രം നേട്ടങ്ങളല്ല; മറിച്ച് നമ്മുടെ മുഴുവൻ സമൂഹത്തിന്റെയും നേട്ടങ്ങളാണ്," സ്പോൺസർമാർക്കും വോളന്റിയർമാർക്കും കമ്മ്യൂണിറ്റിക്കും നന്ദി രേഖപ്പെടുത്തിക്കൊണ്ട് അദ്ദേഹം പറഞ്ഞു.
ഈ ചരിത്രപ്രധാനമായ സീസണിനു ശേഷം പുതിയ നേതൃത്വം ചുമതലയേറ്റു. പ്രസിഡന്റ് കായേൽ തെക്കേക്ക് , വൈസ് പ്രസിഡന്റ് സൈമൺ ഇല്ലിക്കാട്ടിൽ, ചെയർമാൻ പ്രേമ തെക്കെക് , സെക്രട്ടറി രാജു വർഗീസ് ട്രഷറർ ബിജു മാത്യു എന്നിവരുടെ നേത്ര്യത്വത്തിൽ ഇനിയും ക്ലബിന്റെ പ്രവർത്തനങ്ങൾ മുന്നോട്ടു കുതിക്കും. പുതിയ ബോർഡ് അംഗങ്ങളെയും മുൻ പ്രസിഡന്റ് ആന്റണി ഇല്ലിക്കാട്ടിൽ അഭിനന്ദിച്ചു. ക്ലബ്ബിന്റെ ഒരുമയും യുവപ്രതിഭകളെ വളർത്തുക എന്ന പ്രധാന ലക്ഷ്യവും കാത്തുസൂക്ഷിച്ചുകൊണ്ട്, പുതിയ ആശയങ്ങളോടെയും ഊർജ്ജത്തോടെയും ക്ലബ്ബിനെ കൂടുതൽ ഉയരങ്ങളിലേക്ക് നയിക്കാൻ പുതിയ ടീമിന് സാധിക്കുമെന്ന് അദ്ദേഹം പ്രത്യാശ പ്രകടിപ്പിച്ചു. "കാലിഫോർണിയ ബ്ലാസ്റ്റേഴ്സ് എന്നത് വെറുമൊരു വോളിബോൾ ക്ലബ്ബ് മാത്രമല്ല. അത് ഒരു കുടുംബമാണ്, ഒരു കമ്മ്യൂണിറ്റിയാണ്, നമ്മൾ ഒന്നിച്ച് പടുത്തുയർത്തിയ ഒരു പാരമ്പര്യമാണ്. ഞാൻ പ്രസിഡന്റ് സ്ഥാനത്ത് നിന്ന് മാറുകയായിരിക്കാം, എന്നാൽ കാലിഫോർണിയ ബ്ലാസ്റ്റേഴ്സിൽ നിന്ന് ഞാൻ ഒരിക്കലും അകന്നുപോകില്ല,” കളിക്കാർക്കും പുതിയ നേതൃത്വത്തിനും തന്റെ പൂർണ്ണ പിന്തുണ ഉറപ്പുനൽകിക്കൊണ്ട് ഇല്ലിക്കാട്ടിൽ വ്യക്തമാക്കി. ആന്റണി ഇല്ലിക്കാട്ടിൽ , ടോം വടുതല , ടോമി പഴയംപിള്ളി, ജോസ്‌കുട്ടി മഠത്തിൽ, ബിജു പുളിക്കൽ എന്നിവരായിരുന്നു ഇതുവരെ ബ്ലാസ്റ്റേഴ്സ് ക്ലബ് നു ചുക്കാൻ പിടിച്ചവർ.
വിജയികളെയും സ്‌പോൺസർ മാരെയും ആദരിക്കുന്ന ചടങ്ങിൽ വിവിധ മലയാളി സംഘടനകളി ലെ നേതാക്കന്മാർ സന്നിഹിതരായിരുന്നു . സുനിൽ വർഗീസ് , പത്മപ്രിയ പാലോട്ട് , മേരീദാസൻ ജോസഫ്, ജോൺ പോൾ വർക്കി , നൗഫൽ കാച്ചപ്പിള്ളി , ഗോപകുമാർ, സുജിത് എന്നീ ഒട്ടനവധി നേതാക്കന്മാർ ചടങ്ങിൽ പങ്കെടുത്തു. ഏവരും ക്ലബിന് എല്ലാവിധ സഹകരണങ്ങളും വാഗ്ദാനം ചെയ്തു ആശംസകൾ അർപ്പിച്ചു:
