Kerala Express

×

Warning

JFolder::create: Could not create folder.Path: /var/www/html/keralaexpressDScacheDStpl-kerala_express

ന്യൂഡല്‍ഹി: ഭാര്യയെ പീ‍ഡിപ്പിക്കുകയോ ഉപേക്ഷിച്ചു പോവുകയോ ചെയ്യുന്ന പ്രവാസി ഇന്ത്യക്കാരുടെ പാസ്പോര്‍ട്ട് റദ്ദാക്കുകയോ കണ്ടുകെട്ടുകയോ ചെയ്യാനുള്ള ശിപാര്‍ശ വിദേശകാര്യ മന്ത്രാലയത്തിന്‍റെ പരിഗണനയില്‍. എന്‍ആര്‍ഐ ഭര്‍ത്താക്കന്മാര്‍ തഴയുന്ന സ്ത്രീകളുടെ പരാതികളെക്കുറിച്ച് പഠിക്കാന്‍ റിട്ട. ജസ്റ്റിസ് അരവിന്ദ് കുമാര്‍ ഗോയലിന്‍റെ നേതൃ‍ത്തില്‍ നിയോഗിച്ച സമിതിയാണ് ഇതു സംബന്ധിച്ച ശിപാര്‍ശ നല്‍കിയത്.
ഗാര്‍ഹികപീ‍‍ഡനം കുറ്റവാളി കൈമാറ്റ കരാറിന്‍റെ പരിധിയില്‍ കൊണ്ടുവരണമെന്ന ശിപാര്‍ശയും സമിതി മുന്നോട്ടു വെച്ചിട്ടുണ്ട്. ഭാര്യമാരെ പീഡിപ്പിക്കുകയോ ഉപദ്രവിച്ചു പോവുകയോ ചെയ്യുന്ന ഭര്‍ത്താക്കന്മാരെ വിദേശത്തുനിന്ന് പിടികൂടി നിയമനടപടികള്‍ക്ക് വിധേയമാക്കാന്‍ നിലവില്‍ നിരവധി പരിമിതികളുണ്ടെന്ന് ബന്ധപ്പെട്ട ഉദ്യോഗസ്ഥര്‍ ചൂണ്ടിക്കാട്ടി. ഈ സാഹചര്യത്തില്‍ വിദേശകാര്യ മന്ത്രാലയവും വനിത, ശിശുവികസന മന്ത്രാലയവും ചേര്‍ന്നാണ് നിയമഭേദഗതിക്ക് ഒരുങ്ങുന്നത്. പാസ്പോര്‍ട്ട് റദ്ദാക്കുന്നതിനൊപ്പം പ്രവാസി വിവാഹ രജിസ്ട്രേഷന്‍ നിര്‍ബന്ധമാക്കാനും ശിപാര്‍ശയുണ്ട്. ഉപേക്ഷിക്കപ്പെട്ട ഭാര്യമാര്‍ക്ക് നിയമനടപടിക്ക് നല്‍കുന്ന സാമ്പത്തിക സഹായം ഇരട്ടിപ്പിച്ച് 6000 ഡോളറായി ഉയര്‍ത്തണമെന്നതാണ് മറ്റൊരു ശിപാര്‍ശ.

ഭിലായ്: ഛത്തീസ്ഗഡിലെ ഭിലായ് സ്റ്റീല്‍ പ്ലാന്‍റിലുണ്ടായ സ്ഫോടനത്തില്‍ 9 ജീവനക്കാര്‍ മരിച്ചു. 14 പേര്‍ക്കു പരുക്കേറ്റു. പ്ലാന്‍റിലെ വാതക പൈപ്പ് ലൈന്‍ പൊട്ടിത്തെറിക്കുകയായിരുന്നു. അപ്പോള്‍ അവിടെ 24 ജോലിക്കാരാണുണ്ടായിരുന്നത്. 2014ല്‍ ഭിലായ് സ്റ്റീല്‍പ്ലാന്‍റിലുണ്ടായ സമാന സ്ഫോടനത്തില്‍ ആറു ജീവനക്കാര്‍ മരിച്ചിരുന്നു. സ്റ്റീല്‍ അഥോറിറ്റി ഓഫ് ഇന്ത്യയുടെ ഉടമസ്ഥതയിലുള്ളതാണു ഭിലായ് സ്റ്റീല്‍പ്ലാന്‍റ്. റായ്പുരില്‍നിനിന്ന് 30 കിലോമീറ്റര്‍ അകലെയാണ് പ്ലാന്‍റ്. ഇന്ത്യന്‍ റെയില്‍വേയ്ക്ക് ലോകോത്തര നിലവാരമുള്ള പാളങ്ങള്‍ നിര്‍മ്മിച്ചു നല്‍കുന്നതു ഭിലായ് സ്റ്റീല്‍പ്ലാന്‍റാണ്.

Sponsored Advertisments