Kerala Express

×

Warning

JFolder::create: Could not create folder.Path: /var/www/html/keralaexpressDScacheDStpl-kerala_express

എന്‍ഡിഎ - 350, യുപിഎ - 90
കോണ്‍ഗ്രസ് 52 സീറ്റുകളിലൊതുങ്ങി, കേരളം യുഡിഎഫ് തൂത്തുവാരി
ന്യൂഡല്‍ഹി: പ്രവചനങ്ങള്‍ കടത്തിവെട്ടി വന്‍ഭൂരിപക്ഷത്തോടെ വീണ്ടും മോദി സര്‍ക്കാര്‍. രാജ്യത്തു വീശിയടിച്ച മോദി തരംഗത്തില്‍ ബിജെപിക്കു തനിയെ മുന്നൂറിലേറെ സീറ്റും എന്‍ഡിഎയ്ക്ക് 2014-ലേതിലും വലിയ വിജയവും നേടാനായി. എന്നാല്‍ കേരളത്തില്‍ 19 സീറ്റുകളോടെ യുഡിഎഫ് ചരിത്രത്തില്‍ ഏറ്റവും മികച്ച വിജയം സ്വന്തമായി. കോണ്‍ഗ്രസ് 53 സീറ്റിലൊതുങ്ങിയപ്പോള്‍ യുപിഎയ്ക്ക് 90 തികയ്ക്കാനായില്ല. യുപിയില്‍ എസ്പി - ബിഎസ്പി സഖ്യം വിഫലമായി. നിയമസഭാ തെരഞ്ഞെടുപ്പുകളില്‍ ആന്ധ്രാപ്രദേശില്‍ വൈ.എസ്.ആര്‍ കോണ്‍ഗ്രസും ഓഡീഷയില്‍ ബിജെഡിയും അരുണാചല്‍പ്രദേശില്‍ ബിജെപിയും കേവല ഭൂരിപക്ഷത്തോടെ ഭരണം ഉറപ്പിച്ചു. സിക്കിമില്‍ പ്രതിപക്ഷ പാര്‍ട്ടിയായ സിക്കിം ക്രാന്തികാരി മോര്‍ച്ചയാണ് (എസ്കെഎം) മുന്നില്‍. ഭരണകക്ഷിയായ സിക്കിം ഡമോക്രാറ്റിക് ഫ്രണ്ടും (എസ്കെഎഫ്) തൊട്ടടുത്തുണ്ട്. ബിജെപിക്കും കോണ്‍ഗ്രസിനും സിക്കിമില്‍ കനത്ത തിരിച്ചടിയാണ്. ബംഗാളില്‍ മമതാ ബാനര്‍ജിയുടെ കോട്ടയ്ക്കു ബിജെപി വെല്ലുവിളി ഉയര്‍ത്തുന്നു. ഇടതുപക്ഷം അവിടെ ഇല്ലാതായി. ഞായറാഴ്ചയോടെ പുതിയ സര്‍ക്കാര്‍ രൂപീകരണത്തിനാണു പ്രധാനമന്ത്രി നരേന്ദ്ര മോഡിയുടെ ആലോചന.

ബെംഗളുരു: കര്‍ണാടകത്തില്‍ എക്സിറ്റ്പോള്‍ ഫലം ബിജെപിക്ക് അനുകൂലമായതോടെ കോണ്‍ഗ്രസ് - ജനതാദള്‍ (എസ്) സഖ്യ സര്‍ക്കാരിന്‍റെ ഭാവിയില്‍ ആശങ്ക ശക്തമായി. കോണ്‍ഗ്രസ് - ജനതാദള്‍ (എസ്) ഭിന്നത വ്യക്തമായതിനു പിന്നാലെ സര്‍ക്കാരിനെ വീഴ്ത്താനുള്ള ശ്രമങ്ങള്‍ക്ക് ബിജെപി ആക്കം കൂട്ടി. കോണ്‍ഗ്രസിലെ ഭിന്നത വെളിപ്പെടുത്തി മുതിര്‍ന്ന നേതാവ് റോഷന്‍ ബെയ്ഗ് സംസ്ഥാന - കേന്ദ്ര നേതൃത്വത്തിനെതിരെ രംഗത്തുവന്നു. ഡല്‍ഹിയില്‍ കോണ്‍ഗ്രസ് വിളിച്ച പ്രതിപക്ഷ പാര്‍ട്ടികളുടെ യോഗത്തില്‍ സംസ്ഥാന മുഖ്യമന്ത്രിയും ജനതാദള്‍ (എസ്) നേതാവുമായ എച്ച്.ഡി. കുമാരസ്വാമി പങ്കെടുക്കാതിരുന്നതും ആശങ്ക ബലപ്പെടുത്തുന്നു. തെരഞ്ഞെടുപ്പു ഫലം വന്നശേഷം 20 കോണ്‍ഗ്രസ് എംഎല്‍എമാര്‍ ബിജെപിയില്‍ ചേരുമെന്ന അവകാശവാദവുമായി മുന്‍ മുഖ്യമന്ത്രി ബി.എസ്. യെദിയൂരപ്പ രംഗത്തെത്തി. ജനതാദളിലെയും കോണ്‍ഗ്രസിലെയും വലിയ നേതാക്കള്‍ പരാജയപ്പെടുമെന്നും അദ്ദേഹം പറഞ്ഞു. കോണ്‍ഗ്രസിലെ വിമത നീക്കങ്ങള്‍ക്കു നേതൃത്വം നല്‍കുന്ന മുതിര്‍ന്ന നേതാവ് രമേശ് ജാര്‍ക്കിഹോളിയുമായി യെദിയൂരപ്പ കൂടിക്കാഴ്ച നടത്തി.

Sponsored Advertisments