Kerala Express

കൊച്ചി: സോളാര്‍ തട്ടിപ്പുകേസില്‍ അന്വേഷണം നടത്തിയ ജസ്റ്റിസ് ജി. ശിവരാജന്‍ കമ്മീഷന്‍ റിപ്പോര്‍ട്ടില്‍ കേസിലെ മുഖ്യപ്രതി സരിത എസ്. നായര്‍ നല്‍കിയ കത്തിന്‍റെ അടിസ്ഥാനത്തിലുള്ള കണ്ടെത്തലുകളും ശിപാര്‍ശകളും ഹൈക്കോടതി ഒഴിവാക്കി. സോളാര്‍ തട്ടിപ്പ് അന്വേഷിക്കാന്‍ രൂപീകരിച്ച കമ്മീഷന്‍റെ റിപ്പോര്‍ട്ട് റദ്ദാക്കണമെന്ന മുന്‍ മുഖ്യമന്ത്രി ഉമ്മന്‍ ചാണ്ടിയുടെയും മുന്‍ ആഭ്യന്തരമന്ത്രി തിരുവഞ്ചൂര്‍ രാധാകൃഷ്ണന്‍റെയും ആവശ്യം ഹൈക്കോടതി തള്ളി. സരിതാ നായര്‍ എഴുതിയ ലൈംഗിക ആരോപണങ്ങള്‍ അടങ്ങിയ കത്ത് അടിസ്ഥാനമാക്കി കമ്മീഷന്‍ നടത്തിയ കണ്ടെത്തലുകളും ശിപാര്‍ശകളും നിര്‍ദ്ദേശങ്ങളും അടങ്ങുന്ന ഭാഗമാണു ഹൈക്കോടതി റദ്ദാക്കിയത്. കത്തുമായി ബന്ധപ്പെട്ട പരാമര്‍ശങ്ങള്‍ ഒഴിവാക്കിയുള്ള റിപ്പോര്‍ട്ടില്‍ സര്‍ക്കാരിനു നിയമപരമായ നടപടി സ്വീകരിക്കാമെന്നും ഉത്തരവില്‍ പറയുന്നു.

Sponsored Advertisments