Kerala Express

×

Warning

JFolder::create: Could not create folder.Path: /var/www/html/keralaexpressDScacheDStpl-kerala_express

തൃശൂര്‍: കോംഗോ പനിബാധിതനായി വിദേശത്തുനിന്നെത്തിയ മലപ്പുറം സ്വദേശിയെ തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. കോംഗോ പനി മാറിയശേഷം ദുബായിലെ ആശുപത്രിയില്‍നിന്നു വിട്ടയച്ചതാണ്. നെടുമ്പാശേരി വിമാനത്താവളത്തില്‍നിന്ന് മലപ്പുറത്തെ വീട്ടിലേക്കു പോകുന്നവഴിക്ക് തലവേദന അനുഭവപ്പെട്ടതിനെത്തുടര്‍ന്ന് തൃശൂരിലെ സ്വകാര്യ ആശുപത്രിയില്‍ ചികിത്സ തേടുകയായിരുന്നു. രോഗിയുടെ രക്തം, മണിപ്പാല്‍, പൂനെ, എന്നിവിടങ്ങളിലെ ലാബിലേക്ക് പരിശോധനയ്ക്കായി അയച്ചിട്ടുണ്ട്. രോഗിയുമായി ബന്ധപ്പെട്ട ഇരുപതോളം പേര്‍ നിരീക്ഷണത്തിലാണ്. മൃഗങ്ങളുടെ ദേഹത്തുള്ള ചെള്ളുകളാണ് രോഗം പരത്തുന്നതെന്ന് വിദഗ്ദ്ധര്‍ പറഞ്ഞു. രോഗം ബാധിച്ചയാളുടെ ശ്രമങ്ങളിലൂടെയും രക്തത്തിലൂടെയും രോഗം പകരാനിടയുണ്ട്. പനി, നടുവേദന, തലവേദന, കണ്ണുകള്‍ക്കുണ്ടാകുന്ന അസ്വസ്ഥത എന്നിവയാണ് കോംഗോ പനിയുടെ ലക്ഷണങ്ങള്‍.

ന്യൂഡല്‍ഹി: ശബരിമലയില്‍ എല്ലാ പ്രായത്തിലുമുള്ള സ്ത്രീകള്‍ക്കു പ്രവേശനം അനുവദിച്ച ഉത്തരവുമായി ബന്ധപ്പെട്ട് ഹോക്കോടതി പരിഗണിക്കുന്ന കേസുകള്‍ സുപ്രീംകോടതിയിലേക്കു മാറ്റാന്‍ സംസ്ഥാന സര്‍ക്കാര്‍ ഹര്‍ജി നല്‍കി. സുപ്രീംകോടതിയുടെ ഭരണഘടനാബെഞ്ച് പുറപ്പെടുവിച്ച ഉത്തരവിനു വിരുദ്ധമായ  ഉത്തരവുകളും നിര്‍ദ്ദേശങ്ങളുമാണ് ഹൈക്കോടതിയില്‍ നിന്നുണ്ടാകുന്നതെന്നും 23 റിട്ട് ഹര്‍ജികള്‍ ഹൈക്കോടതിയുടെ പരിഗണനയിലുണ്ടെന്നും സംസ്ഥാന സര്‍ക്കാര്‍ നല്‍കിയ ഹര്‍ജിയില്‍ ചൂണ്ടിക്കാട്ടുന്നു. സുപ്രീംകോടതി ഉത്തരവിനു വിരുദ്ധമായ ഉത്തരവുകളും നിര്‍ദ്ദേശങ്ങളും ഉണ്ടായ സാഹചര്യത്തില്‍ ഹൈക്കോടതിയുടെ പരിഗണനയിലിരിക്കുന്ന ഹര്‍ജികളിലെ നടപടികള്‍ സ്റ്റേ ചെയ്യണം. പുനഃപരിശോധനാ ഹര്‍ജികള്‍ സുപ്രീംകോടതി പരിഗണിക്കാനിരിക്കെ ഹൈക്കോടതി ഇടപെടലുകള്‍ അനുചിതമാണ്. സുപ്രീംകോടതി വിധി രാഷ്ട്രീയവത്കരിക്കാനും ലംഘിക്കാനുമാണ് സംഘടനകളുടെ ശ്രമം. ശരണംവിളികള്‍പോലും രാഷ്ട്രീയ മുദ്രാവാക്യമായി ഉപയോഗിച്ചു. ഭക്തരുടെ വേഷത്തില്‍ എത്തിയവര്‍ ദര്‍ശനത്തിനെത്തിയ സ്ത്രീകളെ ആക്രമിച്ചു. ഭക്തരെയും ക്ഷേത്രത്തെയും സംരക്ഷിക്കാനുള്ള നിയന്ത്രണങ്ങളെയും സന്നാഹ സജ്ജീകരണത്തെയും ചോദ്യം ചെയ്യുകയാണിവര്‍. ഇക്കാര്യത്തില്‍ സുപ്രീംകോടതി സംരക്ഷണം നല്‍കണമെന്നും ഹര്‍ജിയില്‍ ആവശ്യപ്പെടുന്നു.

തിരുവനന്തപുരം: സര്‍ക്കാര്‍ അനുമതിയില്ലാതെ പുസ്തകമെഴുതിയതിന് മുന്‍ വിജിലന്‍സ് ഡയറക്ടറും ഐഎംജി ഡയറക്ടറുമായ ജേക്കബ് തോമസിനെതിരെ ക്രിമിനല്‍ കേസിനും വകുപ്പുതല നടപടിക്കും മുഖ്യമന്ത്രി പിണറായി വിജയന്‍റെ നിര്‍ദേശം.

Sponsored Advertisments