Kerala Express

×

Warning

JFolder::create: Could not create folder.Path: /var/www/html/keralaexpressDScacheDStpl-kerala_express

കോട്ടയം: ബിഷപ്പ് ഫ്രാങ്കോ മുളയ്ക്കല്‍ ലൈംഗികമായി പീഡിപ്പിച്ചെന്ന് പരാതി നല്‍കി കന്യാസ്ത്രീക്ക് പിന്തുണ നല്‍കിയ സിസ്റ്റര്‍ അനുപമ ഉള്‍പ്പെട നാലു കന്യാസ്ത്രീകളെ സ്ഥലംമാറ്റി. ജലന്ധറിലെ സുപ്പീരിയര്‍ ജനറലാണ് ഉത്തരവു നല്‍കിയത്. മൂന്നുപേരെ വിവിധ സ്ഥലങ്ങളിലേക്കും ഒരാളെ കണ്ണൂരിലേക്കുമാണ് മാറ്റിയത്. പരാതിക്കാരി കുറവിലങ്ങാട്ടെ മഠത്തില്‍ തുടരും. സെപ്റ്റംബറിലാണ് കേസില്‍ നീതി ലഭിക്കണമെന്നാവശ്യപ്പെട്ട് അഞ്ചു കന്യാസ്ത്രീകളുടെ നേതൃത്വത്തില്‍ കൊച്ചിയില്‍ സമരം നടത്തിയത്. സിസ്റ്റര്‍മാരായ ആല്‍ഫിക്കും ജോസഫീനും കഴിഞ്ഞ ഏഴാം തീയതിയും അനുപമയ്ക്കും ആന്‍സിക്കും 15-ാം തീയതിയുമാണ് ഉത്തരവ് കിട്ടിയത്. സിസ്റ്റര്‍ അനുപമയ്ക്ക് പഞ്ചാബിലെ അമൃതസറിലേക്കാണ് മാറ്റം. സിസ്റ്റര്‍ ആന്‍സിറ്റയെ കണ്ണൂരിലേക്കും സിസ്റ്റര്‍ ആല്‍ഫിയെ ബീഹാറിലേക്കും സിസ്റ്റര്‍ ജോസഫീനെ ജലന്ധറിലേക്കുമാണ് മാറ്റിയത്.

കേരളത്തിലും ത്രിപുര ആവര്‍ത്തിക്കും: മോഡി
കൊല്ലം: ത്രിപുരയില്‍ ശൂന്യതയില്‍നിന്ന് ബിജെപി സര്‍ക്കാരുണ്ടാക്കിയതുപോലെ നാളെ കേരളത്തിലും സംഭവിക്കുമെന്ന് പ്രധാനമന്ത്രി നരേന്ദ്ര മോഡി. എല്‍ഡിഎഫും യുഡിഎഫും ഇതിനെ പരിഹസിച്ചേക്കാം. ബിജെപി പ്രവര്‍ത്തകരുടെ കഴിവിനെ കുറച്ചുകാണരുത്. കളിയാക്കലും മര്‍ദ്ദനവും കൊണ്ട് പ്രവര്‍ത്തകരുടെ മനോവീര്യത്തെ തകര്‍ക്കാന്‍ കഴിയില്ലെന്നും അദ്ദേഹം പറഞ്ഞു. (ദേശീയ ജനാധിപത്യ സഖ്യം (എന്‍ഡിഎ) കൊല്ലത്ത് നടത്തിയ മഹാസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ശബരിമല വിഷയത്തില്‍ സംസ്ഥാന സര്‍ക്കാരിനും കോണ്‍ഗ്രസിനുമെതിരെ രൂക്ഷവിമര്‍ശനമാണ് അദ്ദേഹം നടത്തിയത്. കമ്യൂണിസ്റ്റുകാര്‍ രാജ്യത്തിന്‍റെ ചരിത്രത്തെയും വിശ്വാസങ്ങളെയും ആധ്യാത്മികതയെയും അംഗീകരിക്കുന്നവരോ ആദരിക്കുന്നവരോ അല്ല. എന്നാല്‍ ഇത്ര വെറുപ്പോടും അറപ്പോടുംകൂടി ശബരിമലയില്‍ കേരള സര്‍ക്കാര്‍ നിലപാടെടുക്കുമെന്ന് ആരും പ്രതീക്ഷിച്ചില്ല. ശബരിമല വിഷയത്തില്‍ യുഡിഎഫിനും വ്യക്തമായ നിലപാടില്ല. പാര്‍ലമെന്‍റില്‍ ഒന്നു പറയും. പത്തനംതിട്ടയില്‍ വേറെ ഒന്നു പറയും. കൃത്യമായ നിലപാടു വ്യക്തമാക്കാന്‍ യുഡിഎഫിനെ വെല്ലുവിളിക്കുന്നു. ബിജെപിയുടെ നിലപാട് ഇക്കാര്യത്തില്‍ സുവ്യക്തമാണ്. കേരളീയ സംസ്കാരത്തോടൊപ്പം നിന്ന ഒരു പാര്‍ട്ടിയുണ്ടെങ്കില്‍ അത് ബിജെപി മാത്രമാണ്. വാക്കും പ്രവൃത്തിയും ഭിന്നമല്ലാത്ത നിലപാടാണത്. അത് പാര്‍ട്ടിയുടെ പ്രതിബദ്ധതയുടെ ഭാഗമാണെന്ന് മോഡി പറഞ്ഞു.

Sponsored Advertisments